“Халқаро шартномани тасдиқлаш тўғрисида”ги президент қарори қабул қилинди. Бу ҳақда Telegram’даги “Ҳуқуқий ахборот” канали хабар берди.
Қарорга кўра, Мустақил Давлатлар Ҳамдўстлиги иштирокчи-давлатларининг суд-экспертлик фаолияти соҳасида мувофиқлаштирувчи кенгашни ташкил этиш тўғрисидаги битим тасдиқланди.
Мазкур битим 2023 йил 13 октябрь куни Бишкек шаҳрида Мустақил Давлатлар Ҳамдўстлиги давлат раҳбарлари кенгаши йиғилишида имзоланган.
Адлия вазирлиги мазкур халқаро шартномани амалга ошириш учун масъул бўлган ваколатли орган этиб белгиланди.
Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин унинг қоидалари бажарилиши устидан белгиланган тартибда назоратни таъминлайди.
- 2023 йилнинг январида “Халқаро шартномани тасдиқлаш тўғрисида”ги президент қарори билан Ўзбекистон ва Саудия Арабистони подшоҳлиги ҳукумати ўртасида божхона ишларида ҳамкорлик ва ўзаро ёрдам тўғрисидаги битим тасдиқланган эди.
- Февраль ойида эса Ўзбекистон Покистон билан имтиёзли савдо соҳасида ҳамкорлик қилиши маълум бўлди.
- Май охирларида бўлса Ўзбекистон ва Франция ўртасида халқаро баённомани тасдиқлашга оид президент қарори қабул қилинган эди.
Изоҳ (0)