Америкалик бизнесмен Илон Маск корпорация OpenAI’дан ChatGPT чатботини операцион тизимларининг янги версияларига бирлаштирса, ўз компанияларида Apple қурилмаларидан фойдаланишни тақиқлаш билан таҳдид қилди.
Агар Apple OpenAI’ни операцион тизим даражасида бирлаштирса, Apple қурилмалари менинг компанияларимга кириши тақиқланади. Бу қабул қилиб бўлмайдиган хавфсизлик бузилишидир, — деб ёзган у Х саҳифасида.
Тадбиркор Apple компаниясининг OpenAI билан ҳамкорлик доирасида фойдаланувчи хавфсизлиги ва махфийлигини таъминлашга оид бераётган кафолатларини мантиқсиз деб баҳолаган.
Улар маълумотларингизни арзонга сотяпти, — дея тадбиркор Apple қарорини танқид қилган.
Янги iPhone’лар функциялари ва хусусиятлари
Бутунжаҳон дастурчилар конференциясида Apple қурилмалари учун мўлжалланган янги операцион тизимларни ишга тушириш, жумладан, iOS 18, iPad ОС 18 ва МаcОС Sequoia операцион тизимларининг сунъий интеллект асосидаги янги функциялари тақдим этилди.
OpenAI билан ҳамкорлик доирасида, ChatGPT чатботи — матн яратиш, тасвирлар ва бошқа контентни генерация қилишга қодир бўлган технологиялар iPhone, iPad ва бошқа Apple қурилмаларига ҳам ўрнатилиши кутилмоқда.
Маск томонидан бошқариладиган компаниялар қаторига SpaceX ва Tesla киради. У, шунингдек, Х ижтимоий тармоғига эгалик қилади ва OpenAI асосчиларидан биридир. 2018 йилда тадбиркор OpenAI директорлар кенгашидан истеъфога чиққан. 2023 йилда WSJ Маск “Х.А.I” номли сунъий интеллект ташкилотини яратганини хабар қилган. FТ нашри Маск OpenAI билан рақобатлаша оладиган стартапни ишга туширмоқчи эканлигини ёзган.
Маск АI ривожланишини танқид қилишда давом этган. 2023 йилнинг ноябрида у технологияни инсоният учун потенциал таҳдид деб атаган.
Изоҳ (0)