Украина президенти Владимир Зеленский Бундестагда нутқ сўзлаб, Россия-Украина урушига Европа манфаатлари йўлида якун ясалишини айтди.
Зеленский нутқи Бундестаг аъзолари томонидан қарсаклар билан ўн мартадан ортиқ олқишланган. У ўз нутқини Россия билан урушда Украинани қўллаб-қувватлагани учун Германия халқи ва ҳукуматига миннатдорлик билдириш билан бошлаган.
Биз бу урушни тугатамиз, уни Украина манфаатлари, бутун Европа, барчамиз ва биздан кейин келадиганлар манфаати йўлида тугатамиз, — деб ваъда берган Зеленский.
У жанглар Киев шартларига кўра якунланиши кераклигини қўшимча қилган. Шундан сўнг Зеленский Германия тарихидаги икки қисмга бўлинган вақтни ёдга олган.
Шу сабабли нима учун биз Россиянинг Украинани бўлишга уринишларига қарши шунчалик қаттиқ курашаётганимизни, нега биз мамлакатимизнинг бир қисми ўртасида девор пайдо бўлишига йўл қўймаслик учун ҳамма нарса қилаётганимизни тушунасиз, — дея қўшимча қилган Украина раҳбари.
Унинг сўзларига кўра, урушни бошлаганлар тинчликни абадий унутиши, уруш учун жавобгарликни ўз зиммасига олиши, бу урушнинг ҳар бир кечаси учун адолатли жавоб бериши керак. Унинг қўшимча қилишича, Россиянинг барча мумкин бўлган активлари Украинани урушдан кейинги реконструкция қилиш учун ишлатилиши лозим.
Изоҳ (0)