Еврокомиссиянинг амалдаги раҳбари Урсула фон дер Ляен аъзо бўлган Европа халқ партияси (ЙXP) Европа парламентига сайловларда биринчи ўринни эгаллади. Бу ҳақда “ТАСС” хабар берди.
Сайловнинг дастлабки натижаларида ЙXP ўз устунлигини сақлаб қолган ҳолда Европарламентда 181 та ўрин олди. Иккинчи ўрин (135 та) социалистлар ва демократларга, учинчи ўрин “Янги Европа” партиясига насиб этди.
“Бугун Европа халқ партияси учун яхши кун. Биз энг кучли партиямиз, бошқалар билан бирга ўнг ва сўл сиёсатчиларга қарши қалъа қурамиз. Уларни тўхтатамиз”, — Урсула фон дер Ляен.
У Украинани қўллаб-қувватлаганлар билан ҳамкорлик қилишини айтди. Дастлабки ҳисоб-китобларга кўра, ўнг партиялар ўз позицияларини мустаҳкамлаган, жумладан, “Шахсият ва демократия” ҳамда “Консерваторлар ва ислоҳотчилар” фракцияси янги Европа парламентида 720 ўриндан 133 тасини олади.
Европарламентнинг янги таркибидаги ўнг қанот фракцияларининг улуши 16,7 фоиздан 18,5 фоизгача ошади. Шу билан бирга, яна 51 ўрин расмий фракцияларга аъзо бўлмаган, хусусан, май ойида “Шахсият ва демократия” фракциясидан чиқариб юборилган “Германия учун муқобил” партиясини ўз ичига олган депутатларга берилади. Европарламент президенти Роберта Мецола таъкидлаганидек, “булар ҳали ҳам ўзгариши мумкин бўлган дастлабки натижалар”.
Европарламентга сайловлар 6—9 июнь кунлари Европа Иттифоқининг барча давлатларида бўлиб ўтди. Овоз бериш ҳар бир давлатнинг миллий қонунчилигига мувофиқ амалга оширилди: Нидерландия 6 июнда, Ирландия ва Чехия 7 июнда, Италия, Латвия, Малта, Словакияда 8 июнда овоз берилди, бошқа давлатларда сайлов 9 июнь куни бўлиб ўтди.
Изоҳ (0)