Ижтимоий тармоқларда “Халқ банки” ходими мижозга қўпол муомала қилгани айтилган видеолавҳа тарқалди. Ҳолат юзасидан банк ахборот хизмати муносабат билдирди.
Маълум қилинишича, фуқаро Р.Ш. “Халқ банки” Абу Сахий банк хизматлари марказига келиб, пул маблағларини ҳисоб рақамига ўтказмоқчилигини билдирган. Банк ходими дастурда узилишлар кузатилаётганини, иш вақти тугаётганини, унга хизмат кўрсатишга улгурмаслиги мумкинлигини тушунтиришга ҳаракат қилган.
Вазиятни тушунишни хоҳламаган мижоз ходим билан тортишган. Банк ходимини асабийлашганини кўргач, мижоз телефонида суратга олишни бошлаган, — дейилади хабарда.
Қўшимча қилинишича, мижозга нисбатан босиқлик билан муомала қилмаган ходимга нисбатан интизомий чора кўрилган.
“Айни дамда масала ҳал этилган ва томонлар орасида тушунмовчилик йўқ”, — дейилади “Халқ банки” ахборот хизмати хабарида.
Изоҳ (0)