АҚШ ва Саудия Арабистони иттифоқи Вашингтон манфаатларига мос келади.
Бу ҳақда АҚШ президенти Жо Байден Тimе журналига берган интервьюсида айтиб ўтган.
“Қадриятларга асосланган ва амалий таркибий қисмларга асосланган иттифоқлар мавжуд. Бу бизнинг манфаатларимизга тўла мос келади”, — деди у. Байден “умумий иқтисодий манфаатлар бор жойда можаролар камроқ бўлишини” қўшимча қилди.
29 апрель куни Саудия Арабистони ташқи ишлар вазири шаҳзода Файсал бин Фархон ал-Сауд АҚШ ва Ар-Риёд мудофаа ва хавфсизлик бўйича икки томонлама келишувлар бўйича ишларнинг катта қисмини якунлаганини айтди. Хавфсизлик кафолатларини олган Саудия Арабистони Исроил билан тўлиқ дипломатик муносабатлар ўрнатиши мумкин.
Вашингтон Ар-Риёдга “НАТО бўлмаган йирик иттифоқчи” мақомини таклиф қилишга ёки АҚШ ва Баҳрайн ўртасидаги келишувга ўхшаш шартнома тузишга тайёр, унга кўра давлатлар ҳарбий-техник ва разведка соҳаларида ҳам ҳамкорлик қилишга келишиб олган.
Бундан ташқари, келишув Саудия Арабистонининг ядровий дастурини яратишда Америка ёрдамини кўрсатиши мумкин.
Изоҳ (0)