Москва шарқидаги Мартеновская кўчасида жойлашган ишлаб чиқариш омборида ёнғин келиб чиқди. Ёнғин майдони 4 минг квадрат метрни ташкил этмоқда. Бу ҳақда “РИА Новости” хабар берди.
Дастлаб ёнғин майдони 2000 квадрат метрни ташкил қилган, бироқ кейинчалик кўрсаткич икки бараварга ошган.
“Москва шарқидаги ёнғинни ўчиришда 120 дан ортиқ киши ва 40 та техника, жумладан, Москва авиация марказининг Ка-32 вертолёти иштирок этмоқда. Ёнғинни ўчириш ишлари давом этмоқда. Майдони тўрт минг квадрат метрга етди. Ёнғиннинг тез тарқалишига бино ичидаги кучли аланга ва бинонинг дизайн хусусиятлари сабаб бўлмоқда”, — дейилади Россия Фавқулодда вазиятлар вазирлиги хабарида.
Таъкидланишича, Ка-32 вертолёти 15 марта сув ташиб, ёнғинни ўчиришга жами 75 тонна сув сарфлаган. Бундан ташқари, Москва авиация марказининг Ми-26 вертолёти шай ҳолатга келтирилган. Ёнғинга учинчи мураккаблик даражаси берилган. Ҳодисага нима сабаб бўлгани номаълум.
Изоҳ (0)