Рўзиқул Бердиев: Пенальтилар серияси ўйинни безади

Футбол бўйича Ўзбекистон Суперкубогида “Насаф” пенальтилар сериясида “Пахтакор”ни мағлуб этиб, ғолибликни қўлга киритди.

Учрашувдан сўнг қаршиликлар устози Рўзиқул Бердиев матбуот анжуманида иштирок этди.

Пенальтилар серияси ўйинни безади. Биринчи бўлим охири ва иккинчи бўлим бошини ёмон ўтказдик. Пенальтилар сериясида омадимиз келди. Футболчилар ва Абдувоҳидга раҳмат айтаман.

Жамоани уйғотиш учун нимадир содир бўлиши керак эди. Ёки гол ёки қизил карточка ўйинни ўзгартирарди. Биз гол ўтказиб юбордик.

Жамоада иштиёқ юқори. Натижа қилиш учун ҳар қандай ишни амалга ошириб кўриш керак. “Пахтакор” тўпни назорат қилишга интилишини билардик. Биз шунга тайёрландик.

“Насаф” доим янги футболчиларни кашф қилади. Аммо бу йил ушбу тенденциядан озгина чекинди. Энди бизга талаблар ортган ва шунинг учун биз тажрибали футболчиларга суянмоқдамиз.

Шунга қарамай ёшлар доим эътиборда. Ўйинлар муҳимлиги сабаб, биз ёшларга имконият бериб тажриба қилиб кўра олмаймиз.

Рўзиқул Бердиев, “Насаф” бош мураббийи