УЕФА клубга эгалик қилиш қоидалари билан боғлиқ масалаларни ҳал этмаса, “Манчестер Юнайтед”ни келаси мавсумда Европа Лигасидан четлатиши мумкин. Бу ҳақда The Telegraph нашри хабар берди.
Жим Ретклифф ва унинг Ineos компанияси 3 июнь душанба кунигача УЕФАни “Манчестер Юнайтед” ва “Ницца”га келаси мавсумда Европа лигасида иштирок этишига рухсат берилиши кераклигига ишонтириши керак. Ретклифф “Манчестер Юнайтед”нинг 27,7% улушига эга бўлиб, ташкилот футбол операцияларини тўлиқ назорат қилади ва 2019 йилда “Ницца” клубини қўлга киритганидан кейин Франция жамоасининг ҳам асосий акциядори ҳисобланади.
УЕФАнинг бир нечта клубларга эгалик қилиш қоидалари ҳар қандай ташкилот ёки шахснинг бир мусобақада бир нечта клублар бошқарувига эга бўлишини тақиқлайди. Агар ечим топилмаса, “Манчестер Юнайтед” Европа лигасини тарк этишга мажбур бўлади, чунки жамоа Англия Премьер Лигасида 8-ўринни эгаллади. Франция клуби эса бешинчи поғонадан жой олган.
Изоҳ (0)