Немис мутахассиси Ханс-Дитер Флик, унинг агенти Пини Захави ва “Барселона” президенти Жоан Лапорта Германия терма жамоасининг собиқ бош мураббийи Каталония клуби билан шартнома имзолагани муносабати билан тантанали зиёфат уюштирди. Бу ҳақда Mundo Deportivo хабар бермоқда.
Манбага кўра, “Барселона” шу кунларда Фликнинг бош мураббий этиб тайинлангани ҳақида расман эълон қилади ва шундан сўнг немис мутахассиси ва “Блауграна” спорт директори Деко клубнинг келажакдаги ишларини режалаштиради.
Эслатиб ўтамиз, Флик 2019 йилдан 2021 йилгача “Бавария” бош мураббийи сифатида ишлаган. Немис гранди унинг бошчилигида Чемпионлар Лигаси, Европа Суперкубоги, Германия кубоги ва икки марта Германия чемпионатида ғолиб чиқди.
Фликнинг сўнгги иш жойи Германия терма жамоаси бўлиб, у 2021 йилдан 2023 йилгача термага мураббийлик қилган.
Изоҳ (0)