“Барселона” билан шартнома имзолаши кутилаётган германиялик мураббий Ҳанс-Дитер Флик нисбатан паст маошга рози бўлди, деб хабар беради AS.
Маълумот учун, ОАВ каталонияликларнинг мутахассис билан шартномаси 2026 йилгача мўлжаллангани ҳақида хабар берган эди.
Манбага кўра, Фликнинг “Барселона”даги маоши тахминан 3 миллион еврони ташкил қилади. Шунингдек, германиялик мутахассис билан шартномада клуб чемпионлик унвонини қўлга киритган тақдирда юқори бонусга эга чиқади.
Немис мураббийи Чемпионлар Лигасида ғолиб чиқса, маошига қўшимча 1 миллион евро, Ла Лигада ғалаба қозонса, 750 минг евро қўшилиши мумкин.
Эслатиб ўтамиз, Флик 2019 йилдан 2021 йилгача “Бавария” бош мураббийи сифатида ишлаган. Бу даврда немис гранди унинг бошчилигида Чемпионлар Лигаси, Европа Суперкубоги, Германия кубоги ва икки марта Германия чемпионатида ғолиб чиқди. Фликнинг сўнгги иш жойи Германия терма жамоаси бўлиб, у 2021 йилдан 2023 йилгача мураббийлик қилган.
Изоҳ (0)