Аббосбек Файзуллаев Transfermarkt портали тузган рамзий терма жамоадан жой олди

Transfermarkt портали Россия Премьер Лигасининг ўйинларини таҳлил қилиб, 23 нафар футболчини қайдномага, улар ичидан 11 нафар футболчини рамзий таркибга киритди.

Рўйхатдан 3 нафар дарвозабон, 8 нафар ҳимоячи ва 12 нафар ҳужумкор футболчи ва ҳужумчилар киритилган. 

Эътиборга молик жиҳати “ЦСКА” клубидан фақатгина Аббосбек Файзуллаев ушбу рўйхатдан жой олди.

Transfermarkt портали талқинига кўра РПЛнинг рамзий терма жамоаси: 

Дарвозабон: Матвей Сафонов (“Краснодар”);

Ҳимоячилар: Хулиан Алонсо (“Краснодар”), Фабиан Балбуэна ва Дмитрий Скопинсев (“Динамо”),  Александр Силянов (“Локомотив”);

Ярим ҳимоячилар: Эдуард Сперсян (“Краснодар”), Луис Чавес (“Динамо”), Максим Глушенков (“Локомотив”), Аббосбек Файзуллаев (“ЦСКА”);

Ҳужумчилар: Константин Тюкавин (“Динамо”), Маттео Кассерра (“Зенит”).

Шунингдек, Аббосбек Россия Премьер Лигасининг 2023/24 йилги мавсумида энг яхши ёш футболчи деб топилди.

Ўзбекистонлик футболчи РПЛдаги ўзининг дебют мавсумидаёқ чемпионатга мослашди ва Москва клубининг натижаларига ёрдам беришни бошлади. 20 ёшли футболчи “ЦСКА”нинг асосий футболчиларидан бирига айлана олди.

Қайд этиб ўтиш жоиз, Файзуллаев 2 кун олдин РПЛда “Мавсум кашфиёти” совринини ҳам қўлга киритган эди. 

Аббосбек жорий мавсум “ЦСКА” таркибида барча мусобақаларда 32 та ўйин ўтказиб, 5 та гол ва 14 та голли узатмага муаллифлик қилди. 

Эслатиб ўтамиз, ўзбекистонлик футболчи 2023 йилнинг август ойида “Пахтакор”дан “ЦСКА”га ўтган эди.