Навоийда ўқувчи бошқарган Matiz йўл-транспорт ҳодисасига учраши оқибатида икки киши ҳалок бўлди. Бу ҳақда “Марказий студия” информацион дастурида маълум қилинди.
![](/static/2024/Fozilbek/photo_2024-05-25_11-13-34.jpg)
Қайд этилишича, мактаб ўқувчилари Matiz автомобилини ижарага олиб, Нурота бўйлаб ҳаракатланиб кетаётган бўлган. Қайтишда улар бошқарувни йўқотиб, йўл-транспорт ҳодисасига учраган. Оқибатда улардан икки нафари вафот этган, бир нафари Кармана туман шифохонасига ётқизилган.
Мен уларнинг “праваси” йўқлигини ва ёши кичкина эканини билмагандим. Билганимда, машинани уларга бермасдим, — дейди машинани ижарага берган шахс.
Бундан олдин Навоий вилояти Кармана туманидаги 30-мактабнинг дарс вақтида чўмилишга борган 6-синф ўқувчиларидан бири чўкиб кетгани маълум бўлганди. Аввалроқ бўлса Фарғонада тракторни бошқариб, поезд билан тўқнашган мактаб ўқувчиси ҳалок бўлгани тўғрисида хабар берилган эди.