Арманистон бош вазири Никол Пашинян ўтирган вертолёт 25 май куни шимолий ҳудудга жўнаб кетиш давомида фавқулодда қўнишни амалга оширган. Бу ҳақда Anadolu нашри арман манбаларига асосланиб, хабар берган.
Дастлабки маълумотларга кўра, Пашинян Арманистон пойтахти Еревандан 152 километр шимолда жойлашган Грузия билан чегарадош Ташир шаҳрига учаётган бўлган. Ёмон об-ҳаво шароити туфайли вертолёт тезкор қўндирилган.
Расмийлар ҳодиса Арманистон шимолидаги тоғли Лори вилоятида юз берганини билдирилган. Никол Пашиняннинг вертолёти Лори вилоятининг маркази, мамлакатдаги учинчи энг йирик шаҳар бўлган Ванадзор яқинида қўндирилган.
Ёмон об-ҳаво туфайли вертолётимиз Ванадзорга фавқулодда қўнди. Энди машинада саёҳатни давом эттирамиз. Барчангизга хайрли кун тилайман, — дея хабар қолдирган Арманистон бош вазири Никол Пашинян Facebook тармоғидаги саҳифасида.
Арманистондаги бир қанча манбалар бош вазир Ташир шаҳридан сўнг мамлакат шимоли-шарқидаги Баганис туманига бориши кераклигини ёзган. Баганис қўшни Озарбайжон билан чегарадош туман ҳисобланади. Ушбу туман ҳудудининг Озарбайжон билан чегарадош қисми тўлиқ демаркация қилинган.
Изоҳ (0)