Этикет қоидаларига кўра, таомни ўйин қилиш мумкин эмас, аммо АҚШда истеъмол қилиш мумкин бўлган одатий предметлар шаклидаги озиқ-овқатлар ишлаб чиқариш оммалашган.
Американинг музлатилган вафлилар ишлаб чиқарувчи бренди Eggo ўзининг янги турдаги Eggo Fully Loaded Kicks номли ширинлигини тақдим этди. Оёқ кийим — кроссовка шаклидаги вафли ҳақидаги хабарлар ижтимоий тармоқларда кенг муҳокамага сабаб бўлди.
Ҳар бир ширинлик қўл меҳнатида тайёрланиб, унга алоҳида дизайн қўлланилади. Мазкур лойиҳага “пойабзаллар жарроҳи” номи билан танилган Лос-Анжелеслик дизайнер Доминик Чамброне ҳамкорлик қилди. У Pizza Hut va Jack Daniel’s каби машҳур брендлар учун инновацион дизайнлар ишлаб чиққан.
Eggo компаниясининг истеъмол қилиш мумкин бўлган янги пойабзали 3D принтерда тайёрланади ва асоси ширин вафлидан ташкил топган. Компаниянинг маркетинг бўйича раҳбари Келланова мазкур ғояга нима туртки бўлгани ҳақида сўзлаб берди:
Замонавий ота-оналарнинг бошида кўплаб юмушлар мавжуд: XXI аср ўсмирларининг ошиб бораётган иштаҳасидан тортиб, модага бўлган иштиёқини қондиришгача улар кўп қайғуради. Нима истеъмол қилиш ва нима кийиш кераклиги ҳақидаги саволларга биргина маҳсулот билан жавоб бериш учун биз кроссовка ва вафлини севувчиларга бирдек ёқадиган Eggo Fully Loaded Kicks’ни яратдик.
Кроссовканинг дизайни пухта ишланган бўлиб, унинг ён томонида сироп учун яширин чўнтаклари ҳам мавжуд. Албатта, бундай маҳсулотни оммавий ишлаб чиқариш йўлга қўйилмади. Чекланган коллекция 17 майдан бошлаб сотувга қўйилди ва бир неча кун ичида барча маҳсулот сотилди. Ҳар бир жуфт пойабзал 150 долларга баҳоланган.
Изоҳ (0)