Теренс Кроуфорд Исроил Мадримовга қарши жанг учун тайёргарликни давом эттирмоқда.
Кроуфорд ўзбекистонлик боксчига қарши жанг учун UFC институтида тайёргалик кўрмоқда.
Супер ярим ўрта вазн тоифасида WBA камари соҳиби Исроил Мадримов 3 август куни Лос-Анжелесдаги бокс оқшомида Теренс Кроуфордга қарши жанг қилади.
Қайд этиб ўтиш жоиз, ўтган йилнинг 30 июль куни Кроуфорд ҳамюрти Эррол Спенсни тўққизинчи раундда техник нокаутга учратиб, ярим ўрта вазн тоифасида мутлақ жаҳон чемпионига айланган эди.
Америкалик чемпион профессионал рингда ўтказган 40 та жангининг барчасида ғалаба қозонган. Ғалабаларининг 31 тасига нокаут орқали эришган.
Эслатиб ўтамиз, Исроил Мадримов 8 март оқшомида Саудия Арабистонининг Ар-Риёд шаҳрида россиялик Магомед Курбановни 5-раундда нокаутга учратиб, WBA камарини қўлга киритганди.
Изоҳ (0)