Руминияда депутат Дан Вилчан парламентдаги йиғилишдан сўнг либерал партиядан ҳамкасби Флорин Романнинг бурнини тишлаб олди. Воқеа акс этган видео G4мedia нашрида эълон қилинди.
Воқеа қонун чиқарувчи органнинг коридорида содир бўлган. Аввалига депутатлар жанжаллашган, кейин бир-бирининг ёқасидан тортган.
У худди каннибал каби бош қисмимни тишламоқчи бўлди ва мен бошимни туширганимда, тиззаси билан урди, — дейди жабрланувчи.
Флорин Романнинг сўзларига кўра, бу жанжал эмас, ҳужум бўлган. Вилчан эса уни бунга турткилашгани, шундан сўнг у Романни елкасидан ушлагани, лекин жанг қилмаганини билдирган. Улар ўртасидаги можаронинг аниқ сабаблари номаълум.
Депутатлар палатасининг ҳуқуқий қўмитаси Вилчанни олти ойга жазолаган. Унга ялпи мажлисларда 10 сониядан кўпроқ нутқ сўзлаш тақиқланган ва маоши икки баробарга камайтирилган. Жабрланувчи суд тиббий хулосаси берилишини кутмоқда. У рақибига нисбатан жиноий иш қўзғатишни режалаштирган.
Изоҳ (0)