Тошкент шаҳрида спорт гимнастикаси бўйича аёллар ўртасида лицензион турнир бўлиб ўтади. Осиё чемпионати 24 май санасидан бошланади.
Ушбу мусобақада афсонавий ўзбек гимнасти Оксана Чусовитина ҳам иштирок этиши кутилганди. Бироқ у кечаги машғулотларда жароҳат олди ва жума куни бошланадиган мусобақани ўтказиб юборади. Аввалроқ Чусовитина Жаҳон кубоги орқали таяниб сакраш мусобақаларида Олимпиада йўлланмасини қўлга кирита олмаганди.
Бу Чусовитина учун Олимпиада йўлланмасини қўлга киритиш учун сўнгги имконият эди ва спортчи, афсуски, бу имкониятдан фойдалана олмади.
Оксана Чусовитина фаолиятига оид статистика ва фактлар
- МДҲ терма жамоаси сафида 1992 йилги Олимпиада чемпиони.
- 2008 йилги Олимпия ўйинлари вице-чемпиони.
- Уч карра Жаҳон чемпиони (1991 йилда жамоавий баҳслар (СССР терма жамоаси) ва эркин машқ, 2003 йилда таяниб сакраш).
- Жаҳон чемпионатларида тўрт карра кумуш (1991, 2001, 2005 ва 2011 йиллар) ва 4 карра бронза медали (1992, 1993, 2002, 2006) соҳиби.
- Таяниб сакраш бўйича Европа чемпиони (2008 йил), кумуш медал (2002) ва уч карра бронза эгаси.
- Таяниб сакраш бўйича Жаҳон Кубоги олтин медал соҳиби (2022 йил)
- Саккизта Олимпиадада қатнашган ягона гимнастикачи. Спортчи ушбу натижаси эвазига Гиннеснинг рекордлар китобига киритилган.
Изоҳ (0)