Ўзбекистон ташқи ишлар вазири Бахтиёр Саидов Бирлашган Миллатлар Ташкилоти бош котибининг ўринбосари, БМТнинг Аксилтеррор бошқармаси бошлиғи Владимир Воронков билан учрашув ўтказди. Бу ҳақда вазирлик матбуот хизмати хабар берди.
Маълум қилинишича, учрашувда тинчлик ва хавфсизликни таъминлаш борасидаги ҳамкорлик, бугунги динамика, нафақат минтақада, балки глобал миқёсда мавжуд ва келажакдаги чақириқларга самарали ечимларни топиш масалалари муҳокама қилинган.
Қайтганларни реабилитация ва реинтеграция қилиш масалалари бўйича Марказий Осиё минтақавий экспертлар кенгаши биринчи йиғилишининг муваффақиятли натижаларини кўриб чиқилган.
Ўзбекистон билан БМТнинг Аксилтеррор бошқармаси ўртасида 2024-2025 йилларга мўлжалланган ҳамкорлик бўйича “Йўл харитаси” имзоланган.
Изоҳ (0)