Италия карабинери халқаро наркотрафик тармоғини йўқ қилиш доирасида наркотикларни ташишда фойдаланиладиган масофадан бошқариладиган сувости кемасини қўлга олди. Бу ҳақда Le Figaro газетаси хабар бермоқда.
Газетанинг ёзишича, ҳуқуқ-тартибот идоралари ходимлари сувости кемасини Турин шаҳридаги автомобиль ювиш шохобчалари эгаларининг фаолиятини текшириш чоғида аниқлаган, улар пинҳона марихуана етиштириш билан шуғулланган.
Альбаниялик икки ака-ука томонидан бошқариладиган наркотармоқ Эквадор, Бельгия, Франция, Испания ва Италия давлатлари бўйлаб ишлаган. Операция давомида жами 204 килограмм кокаин ва гашиш мусодара қилинди.
Аввал хабар қилинганидек, ҳар йили Европанинг 100 га яқин йирик шаҳарлари оқова сувларини гиёҳванд моддалар қолдиқлари учун таҳлил қилувчи Европанинг Наркотик моддалар ва гиёҳвандлик мониторинги маркази Европада кокаин истеъмоли сезиларли даражада ошиб бораётганини аниқлаган.
Изоҳ (0)