АҚШ президенти Жо Байден 13 май куни Россиядан уран импортини тақиқловчи қонунни имзолади. Бу ҳақда Оқ уй сайтида эълон қилинди.
2024 йил 13 майда президент Россияда ёки Россия ташкилоти томонидан ишлаб чиқарилган нурланмаган, кам бойитилган уранни олиб киришни тақиқловчи “Россия уран импортини тақиқлаш тўғрисида”ги қонунни имзолади, — дейилади хабарда.
Байденнинг миллий хавфсизлик бўйича маслаҳатчиси Жейк Салливаннинг таъкидлашича, бу қарор ядровий энергетика бўйича Россияга қарамликни камайтириш ва охир-оқибат ундан тўлиқ воз кечиш орқали АҚШнинг энергетика ва иқтисодий хавфсизлигини мустаҳкамлашга ёрдам беради.
Салливанга кўра, ушбу қонун Американинг ядро секторидаги етакчилигини тиклайди.
Бу келажак авлодлар учун энергетика соҳамиз хавфсизлигини таъминлашга ёрдам беради. Конгресс яқинда президентнинг илтимосига биноан ажратган 2,72 миллиард доллар федерал молиялаштириш АҚШда янги бойитиш қувватларини ишга туширишни таъминлайди , — дейди Салливан.
Изоҳ (0)