Арманистон полицияси 14 май куни ҳукумат истеъфосини талаб қилиб, норозилик уюштирган 63 нафар фуқарони ҳибсга олган. Бу ҳақда Арманистон Ички ишлар вазирлиги хабарига таяниб, “ТАСС” нашри хабар берди.
Манбада айтилишича, ҳибсга олинганлар пойтахт Ереван кўчаларини тўсиб қўйган. Полиция уларни тўхташга чақирган, талаб рад этилгач эса ҳибсга олиш чораси қўлланган.
Ҳолат душанба кунги интернетдаги чақириқлар ортидан юзага келгани хабар қилинган. Ўша куни Арманистоннинг “Тавуш” мухолифат ҳаракати етакчиси архиепископ Баграт фуқароларни ҳукуматга бўйсунмасликка чақирган.
Фуқаровий бўйсунмасликка ундашдан мақсад ҳукуматни истеъфога чиқаришга эришиш бўлган. Раҳбариятдан норози бўлган пойтахтнинг кўплаб фуқаролари бу чақириқларга қўшилган.
“63 нафар фаолнинг барчаси милиция ходимларининг қонуний талабларига бўйсунмагани учун милиция бўлимларига олиб кетилди”, — дейилади Арманистон Ички ишлар вазирлиги расмий хабарида.
Изоҳ (0)