Тайсон Фьюрининг отаси Олександр Усик жамоасининг аъзосига бош билан зарба берди (фото)

Британиялик боксчи Тайсон Фьюрининг отаси Олександр Усик жамоаси аъзосига бош билан зарба берди.

Украиналик боксчи жамоаси аъзоларидан бири Тайсоннинг отасини уришга урингач, Жон Фьюри унга боши билан зарба берди. Натижада Жоннинг боши ёрилди. 

Эслатиб ўтамиз, Супер оғир вазн тоифасида WBC чемпиони Тайсон Фьюри 18 май куни Ар-Риёд шаҳрида ташкил этиладиган бокс оқшомида WBA, IBF ва WBO йўналишлари чемпиони, украиналик Олександр Усикка қарши мутлақ жаҳон чемпионлиги учун рингга кўтарилади. 

Маълумот учун, 35 ёшли Тайсон Фьюри ўзининг сўнгги жангини ўтган йилнинг октябрь ойида камерунлик MMA жангчиси, собиқ UFC чемпиони Френсис Нганнуга қарши ўтказиб, ҳакамларнинг қарори билан ғалаба қозонган эди. Тайсон профессионал боксда 34 та жанг ўтказиб, барчасида ғалаба қозонган (24 таси нокаут билан). Ҳисобида битта дуранг бор. 

Украиналик Олександр Усик эса ўтган йилнинг августида британиялик Даниэль Дюбуани 9-раундда техник нокаутга учратиб, ўз камарини мажбурий даъвогардан ҳимоя қилганди. У ҳам барча 21 та жангида ғалаба қозонган (14 таси муддатидан олдин).