Американинг Исроилга қуроллар етказиб беришни тўхтатиши Вашингтон бу давлатни “тақдир ҳукмига ташлаб қўйганини англатмайди”. Бу ҳақда Оқ уйнинг миллий хавфсизлик бўйича маслаҳатчиси Жейк Салливан маълум қилди, дея хабар бермоқда The Hill.
Салливаннинг сўзларига кўра, АҚШ ва Исроил ўртасидаги таранглик Ғазо жанубидаги Рафаҳ шаҳрида ўтказилган махсус ҳарбий операция туфайли юзага келган.
“Биринчидан, чунки у ерда бир миллион одам жуда тор турар жойларда, ҳарбий ҳаракатлар туфайли қолмоқда. Гарчи Исроил бу ҳолатда ҲАМАС аъзоларининг маълум сонини йўқ қилиши мумкин бўлса-да, тинч аҳоли орасида сезиларли йўқотишлар хавфи мавжуд”, — дейди Салливан.
Унинг қайд этишича, Байден бундай операцияда Америка қуролларидан фойдаланилишини истамайди.
“Аммо бу унинг Исроилни ташлаб қўйиши ёки уни қурол-яроғ етказиб беришдан узиб қўйишини англатмайди. Гап, унинг фикрича, ҲАМАСни мағлуб этмайдиган, жиддий зарар келтириб чиқарувча маълум операция ҳақида кетмоқда”, — деди Оқ уйнинг миллий хавфсизлик бўйича маслаҳатчиси.
У АҚШ президенти Исроил тарафдори бўлиб қолиши, ҲАМАСга қарши курашиш учун мамлакатга жуда кўп миқдорда қурол-яроғ етказиб берганини таъкидлади.
“Президент Исроилга ўзини ҳимоя қилиш учун зарур бўлган нарсаларни етказиб беришда давом этишини аниқ тушунтирди. Нуқта”, — дея хулоса қилди Салливан.
Изоҳ (0)