Мадриднинг “Реал” клуби бош мураббийи Карло Анчелотти “қироллик” клуби дарвозабони Тибо Куртуа ва Андрей Лунин билан Чемпионлар Лигаси финал учрашуви ҳақида суҳбатлашди.
Сўнгги пайтларда испан ОАВларида Карло Анчелотти Андрей Лунинни Чемпионлар Лигаси финалида илк дақиқалардан майдонга туширмайди, чунки мутахассис Тибо Куртуага кўпроқ ишонади, деган фикр фаол тарқала бошлади. “Реал Мадрид” белгиялик футболчининг қобилиятига ишончи комил ва бундай муҳим ўйинда унинг асосий таркибда иштирок этиши зарур деб ҳисобламоқда. Шу боис белгиялик ўйинни асосий таркибда бошлаш имкониятини қўлга киритиши кутилмоқда.
Ушбу маълумот тарқатилгандан сўнг, испан клуби бош мураббийи Карло Анчелотти иккала дарвозабон Куртуа ва Лунин билан шахсий суҳбатлар ўтказди, деб хабар беради DefensaCentral.
“Турли ОАВ маълумотларига эътибор берманг, мен Чемпионлар Лигаси финали учун асосий дарвозабонни танлаганимда, сиз биринчи бўлиб билиб оласиз", — деди Карло Анчелотти.
Эслатиб ўтамиз, “Реал” ва Дортмунднинг “Боруссия” клублари ўртасидаги Чемпионлар Лигаси финал учрашуви 1 июнь куни бўлиб ўтади.
Изоҳ (0)