“Ўзбекистоннинг саъй-ҳаракатларини қўллаб-қувватлашда давом этамиз” — “БМТ аёллар” тузилмасининг Ўзбекистон бўйича вакили Жерен Гувен

Самарқанд шаҳрида 13—14 май кунлари “Хотин-қизларнинг иқтисодий, ижтимоий ва сиёсий ҳуқуқ ҳамда имкониятларини кенгайтириш масалаларига минтақавий ёндашув” мавзусида Осиё хотин-қизлари форуми ўтказилади. Мазкур форум олдидан чет эллик соҳа мутахассислари ўз фикр-мулоҳазаларини билдирди.

“БМТ аёллар” тузилмасининг Ўзбекистон бўйича вакили Жерен Гувеннинг айтишича, БМТ Аёллар ташкилоти Ўзбекистоннинг саъй-ҳаракатларини қўллаб-қувватлашга давом этади.

Биз Осиё аёллар форумига техник кўмак кўрсатганимиздан мамнунмиз. Форумдаги юқори даражадаги иштирокимиз, шунингдек, Пекин Ҳаракатлар платформаси ва бўлажак Б-плюс 30 шарҳи, Комиссиянинг 68-сессияси якунлари каби халқаро шартномаларга мувофиқ Ўзбекистондаги аёллар ва қизларга содиқлигимизни кўрсатади.

Бирлашган Миллатлар Аёллар ташкилоти Ўзбекистон билан аёллар ва қизларнинг фаровонлиги йўлида ҳамкорликни давом эттиришга интилади ҳамда мамлакат билан ҳамкорликни мустаҳкамлашда давом этади, — деди Жерен Гувен.

Беларусь аёллар иттифоқи раиси Ольга Шпилевскаянинг маълум қилишича, форум 10 та бўлимдан иборат бўлиб, ҳар бир соҳа кенг доирада муҳокама қилинади.

Бунга гендер тенглиги ва аёлларнинг иқтисодиётдаги, давлат бошқарувидаги, жамият ҳаётидаги иштироки, атроф-муҳит ва оилавий муаммолари киради. Буларнинг барчаси аёллар учун манфаатли ҳисобланади. Шу боис, ўйлайманки, бу тажриба алмашиш ва мулоқотларимиз барча мамлакат аёллари учун фойдали ва муҳим бўлади.

Беларусь хотин-қизларининг сизлар билан бўлишмоқчи бўлган маълумотлари етарлича, чунки жамоатчилик фаолиятимиз ва жамоат ташкилотимиз мутлақо барча давлат органлари вакиллари: бизнес, соғлиқни сақлаш вакилларини ўз ичига олган ташкилотдир, — деди Ольга Шпилевская.

Кувайт Хотин-қизлар жамияти раиси ўринбосари, хотин-қизлар жамиятлари уюшмаси Бошқарув кенгаши аъзоси Доктор Ҳийла Ҳаммад ал-Макаимининг таъкидлашича, форум тажриба алмашишдан бошлаб, аёллар имкониятларини кенгайтиришга оид бир қанча масалаларга, шунингдек, гендер тенглиги, аёллар ва оилавий тадбиркорлар каби тушунчаларга эътибор қаратилади.

Аёллар ва болаларга нисбатан камситишнинг барча шаклларига барҳам бериш каби аёллар ҳуқуқларини кенгайтиришга бағишланган БМТ Низомини кучайтириш ва таъкидлашга қаратилган айрим сессиялар мавжуд, — деди Ҳийла Ҳаммад ал-Макаими.