Олександр Усик Тайсон Фьюрига қарши жанг учун Саудия Арабистонига етиб борди.
WBA, IBF ва WBO йўналишлари чемпиони, украиналик Олександр Усик 18 май куни Ар-Риёд шаҳрида ташкил этиладиган бокс оқшомида супер оғир вазн тоифасида WBC чемпиони Тайсон Фьюрига қарши мутлақ жаҳон чемпионлиги учун рингга кўтарилади.
Маълумот учун Усик сўнгги жангини ўтган йилнинг августида ўтказган. Унда британиялик Даниэль Дюбуани 9-раундда техник нокаутга учратиб, ўз камарини мажбурий даъвогардан ҳимоя қилганди. У ҳам барча 21 та жангида ғалаба қозонган (14 таси муддатидан олдин).
35 ёшли Тайсон Фьюри эса ўзининг сўнгги жангини ўтган йилнинг октябрь ойида камерунлик MMA жангчиси, собиқ UFC чемпиони Френсис Нганнуга қарши ўтказиб, ҳакамларнинг қарори билан ғалаба қозонган эди. Тайсон профессионал боксда 34 та жанг ўтказиб, барчасида ғалаба қозонган (24 таси нокаут билан). Ҳисобида битта дуранг бор.
Изоҳ (0)