Жанубий Африка Республикаси (ЖАР) Исроилнинг Ғазо секторидаги Рафаҳга уюштирган ҳужуми юзасидан Халқаро Судга мурожаат қилди. Бу ҳақда Reuters хабар берди.
Қайд этилишича, ЖАР Исроилни фаластинликларга қарши геноцид ҳаракатларида айблаган. Январь ойида Жаҳон суди Исроилни Геноцид конвенциясига тегишли бўлган ҳар қандай ҳаракатлардан тийилишни ва ўз қўшинлари фаластинликларга қарши геноцид ҳаракатларини амалга оширмаслигини таъминлашни буюрган.
ЖАР суддан Исроилнинг Рафаҳга ҳужумини тўхтатиш ва БМТ расмийлари, гуманитар ёрдам кўрсатувчи ташкилотлар, журналистлар ва терговчиларнинг Ғазога тўсиқсиз киришига рухсат беришни талаб қилган.
Ҳозиргача омон қолганлар яқин орада ўлимга дуч келмоқда ва улар омон қолишини таъминлаш учун суднинг буйруғи керак, — дейилади ЖАР аризасида.
10 май куни Исроил ҳарбий вазирлар маҳкамаси Рафаҳдаги операцияни сезиларли даражада кенгайтиришни маъқуллаган.
Изоҳ (0)