Испания ва Ирландия ҳукумати 21 май куни Фаластин давлатини тан олмоқчи.
Бу ҳақда Испания радиоси орқали Европа Иттифоқи дипломатияси раҳбари Жозеп Боррел маълум қилган.
Унинг қўшимча қилишича, Европа Иттифоқининг бошқа давлатлари ҳам шундай қадам ташлаши мумкин. Хусусан, у Бельгия ва Словенияни тилга олди.
“Бу нафақат давлатнинг тан олиниши, балки амалда бундай давлат мавжудлигини таъминлаш учун ишлашга тайёрлик белгиси бўлади”, — деди Боррел.
Аввалроқ Исроил бош вазири Бенямин Нетаньяху мамлакат Ғазодаги жангларда ташқи ёрдамсиз ғалаба қозона олишини, бунинг учун тиш-тирноғи билан курашишини таъкидлаганди.
“Яккама-якка курашишимиз керак бўлса, курашамиз”, — деди Нетаньяху.
Изоҳ (0)