“Ўзбекистон Республикаси Ички ишлар вазирлиги ҳузуридаги Жазони ижро этиш департаментининг фаолиятини самарали ташкил этишга доир қўшимча чора-тадбирлар тўғрисида”ги Вазирлар Маҳкамаси қарори қабул қилинди.
Ҳужжат билан Наманган вилояти Уйчи туманидаги 6-сон тергов ҳибсхонаси ҳудудида Жазони ижро этиш департаментининг ўқув полигонини ташкил этилиши белгиланмоқда. Унинг асосий вазифаси этиб ходимларнинг хизмат, жанговар, жисмоний ва ахлоқий-психологик тайёргарлигини мунтазам ошириб бориш белгиланмоқда.
Полигонни 2025 йил 31 декабрга қадар қуриб битириш топшириғи берилган.
Шунингдек, киритилаётган ўзгартиришлар билан жазони ижро этиш муассасаларининг ДУКларни ташкил этиш ваколатлари бекор қилинмоқда: эндиликда жазони ижро этиш муассасалари хўжалик юритувчи бошқа субъектлар билан ҳамкорликда фаолият юритиш ҳуқуқига эга.
Ҳужжат Қонун ҳужжатлари маълумотлари миллий базасида эълон қилинган ва 2024 йил 24 апрелдан кучга кирди.
Эслатиб ўтамиз, 2020 йилда Марказий ҳарбий округига қарашли Самарқанд вилоятидаги “Сазаган” дала ўқув майдони фойдаланишга топширилганди.
Изоҳ (0)