Кобулда 25 апрель куни маҳаллий, хорижий савдогарлар ва ишлаб чиқарувчилар иштирокида “Афғон-Қозоқ” халқаро кўргазмаси очилди. Бу ҳақда Avapress хабар берди.
Кўргазма “Толибон” бош вазирининг иқтисодий ўринбосари Абдул Ғани Бародар, Қозоғистон бош вазири ўринбосари ва Туркманистон президенти ўринбосари иштирокида очилган. “Толибон” бундай тадбирлар Афғонистон ва бошқа давлатлар ўртасидаги савдо ҳажмини оширишини таъкидлаган.
Ушбу кўргазма Кобул ва Остона ўртасидаги иқтисодий ва сиёсий алоқаларни мустаҳкамлашда қимматли рол ўйнайди, — деди “Толибон” ҳаракати савдо ва саноат вазири Нуруддин Азизий.
У “Толибон” саноат, транспорт, энергетика, қишлоқ хўжалиги ва кон соҳаларида савдо, транзит ва сармояни ривожлантириш учун тўғри шароит яратганини айтди.
“Толибон”нинг мувозанатли ва иқтисодий йўналтирилган ташқи сиёсати натижасида Афғонистон 38 мамлакатда сиёсий ваколатхонага эга, — деди “Толибон” ташқи ишлар вазири вазифасини бажарувчи Амир Хон Мутаққий.
Афғонистон ва Қозоғистон кўргазмасида 80 та стендда икки давлатнинг маҳаллий маҳсулотлари намойиш этилди.
Изоҳ (0)