Ташқи меҳнат миграцияси агентлиги Қозоғистонга ишлаш мақсадида бораётган ва меҳнат фаолиятини амалга ошираётган Ўзбекистон фуқароларини огоҳликка чақирди.
Қайд этилишича, сўнгги вақтларда ишлаш мақсадида Қозоғистонга борган ёки меҳнат фаолиятини олиб бораётган Ўзбекистон фуқароларига ўзини элчихона ёки консулхона вакили сифатида таништириб, уларнинг ҳужжатларини расмийлаштириш учун улардан пул ва паспортларини олиш ҳолатлари кузатилмоқда.
Фуқаролардан бундай фирибгарларга ишонмаслик ва шахсни тасдиқловчи ҳужжатларни бегоналарга бермасликни сўралади. Шунингдек, агентлик ишлаш ёки вақтинча яшаш рухсатномаларни олиш учун фуқаронинг шахсан ўзи Аҳолига хизмат кўрсатиш марказларига (СОН) мурожаат этиш зарурлигини эслатади.
Ўзини “дипломатик ваколатхона ходимиман” деб таништирган шахсларга дуч келган тақдирда Ўзбекистоннинг Қозоғистондаги дипломатик ваколатхоналарига (Остона шаҳрида: +8 (7172) 95-45-87, Олмаота шаҳрида: +8 (727) 390-26-16, Ақтау шаҳрида: +8 (729) 277-71-17) ёки қуйидаги рақамларга мурожаат қилиш сўралади.
- Қозоғистон Бош прокуратураси — 115;
- Қозоғистон полицияси — 102.
Бундан олдин Туркия ҳудудида бўлган ўзбекистонликлар Бош консулхона томонидан огоҳликка чақирилганди.
Изоҳ (0)