Супер оғир вазн тоифасида WBA Супер, IBF, WBO ва IBO камарлари соҳиби Олександр Усик ва WBC чемпиони Тайсон Фьюри мутлақ жаҳон чемпионлиги май ойида бўлиб ўтади.
Агарда Фьюри ушбу жангдан бош торца, 10 миллион фунт жаримага тортилади. Бу ҳақида Усикнинг менежери Алесаксандр Красюк маълум қилди.
“Агар Тайсон жангда иштирок этмаса, 10 миллион фунт жарима тўлайди. Бу жанг бешинчи марта бекор бўлмаслиги учун шартномада белгиланган.
Фьюри спаррингларда дубулға билан иштирок этяпти деб умид қиламиз. Ўтган сафаргидек жароҳат олмасин”, — дейди Красюк.
Усик ва Фьюри ўртасидаги жанг 17 февраль санасида бўлиб ўтиши лозим эди. Бироқ Тайсон спарринг вақтида қошидан олган жароҳат туфайли жанг санаси ўзгарганди. Энди жанг санаси 18 майга ўзгартирилган.
Эслатиб ўтамиз, 2023 йилнинг 28 октябрь куни Тайсон Фьюри ва Френсис Нганну Ар-Риёдда рингга кўтарилганди. Якунда Фьюри ҳакамларнинг қарорига кўра (94-95, 96-93, 95-94) ғалаба қозонди.
Олександр Усик сўнгги жангини ўтган йилнинг август ойида Даниэль Дюбуага қарши ўтказиб, 9-раундда техник нокаут эвазига ғалаба қозонганди.
Изоҳ (0)