Қашқадарёда Ўзбекистон-Германия қўшма лойиҳаси асосида немис мактабгача таълим ташкилоти ташкил этилади. Бу ҳақда вилоят ММТБ хабар берди.
Унга кўра, Қашқадарё вилояти ҳокимлигининг тегишли ишчи гуруҳи ҳамда Германиянинг Klett Group компанияси бошқарув директори Филипп Ҳаусман иштирокида икки томонлама музокаралар ўтказилди. Музокаралар давомида вилоят ҳокими ўринбосари томонидан вилоятда Ўзбекистон-Германия қўшма лойиҳаларини амалга ошириш учун барча имкониятлар ва шароитлар мавжудлиги таъкидланди.
Klett Group компанияси бошқарув директори жаноб Филипп Ҳаусман Қашқадарё вилоятида қатор ижтимоий соҳаларда жумладан, мактабгача таълим, дуал таълим ва бандлик йўналишлари бўйича ҳамкорликдаги қўшма лойиҳаларни қўллаб қувватлашини билдирди.
Музокаралар якунида Klett Group компанияси вакиллари яқин кунларда Қашқадарёга ташриф буюриши ҳамда музокаралар давом этиши маълум қилинди.
Изоҳ (0)