2024 йилнинг 20 апрель куни Kia автомобилларининг Ўзбекистондаги расмий дистрибютори бўлган ADM Global компаниялар гуруҳи, Kiaнинг турли моделлари: Seltos, Sportage, Sorento кроссоверлари, Carnival кросвени ҳамда К5, Cerato ҳамда Stinger седанлари соҳибларини бирлаштириб KiaGO спорт-кўнгилочар тадбирини ташкил этди.
Бундай турдаги тадбирлар марканинг содиқ мухлисларининг ноёб ҳамжамиятининг шаклланиши ва мустаҳкамланишига замин яратади.
Kia автомобилларининг катта карвони Тошкентдан сўнгги нуқтаси бўлган – Паркент туманидаги “Сафар Парк” кўнгилочар мажмуаси сари гўзал Красногорск ва Сўқоқ қишлоғи орқали мураккаб йўналиш бўйлаб ҳаракатланди. Маршрутнинг умумий узунлиги 97 километрни ташкил этди. Ёналишда 60 га яқин Kia соҳиблари иштирок этиб, гўзал манзаралар ва ўз транспорт воситаларининг имкониятларидан баҳраманд бўлдилар. Шу тариқа манзилга ҳаракатланиш чоғида, мижозлар автомобилларнинг илғор технологияларига баҳо бериш имконига эга бўлдилар. Кўпгина мижозлар ўз автомобилларининг имкониятларига, оғир об-ҳаво ва йўл шароитларида йўл сирти билан ишончли туташуви ҳис этишга, шунингдек, қулай опцияларга янгича назар солиш имконига эга бўлдилар.
-ambYFqVQ.jpg)
Сафар Парк – бу Тошкент вилоятидаги сайёҳлик эко-қишлоғи бўлибгина қолмай, балки у ерда ҳар бир ташриф буюрувчи осойишталикдан ва тоза ҳаводан баҳраманд бўлиши мумкин бўлган Ўзбекистоннинг чинакам гўшасидир. Ноёб дам олишнинг концепцияси табиий гўзаллик ва замонавий ўйин-кулгиларни уйғунлаштириб, кундалик ҳаётга саргузаштларнинг ёрқин рангларини олиб кирди. Ҳар бир Kia автомобилининг соҳиби, оиласи ва дўстлари билан биргаликда, шаҳар шовқинидан дам олиб, ўз хоҳишларига кўра – теварак-атрофдаги ландшафтнинг ажойиб манзараларини намойиш этувчи ҳаяжонга тўла зиплайндаги парвоздан тортиб, то қизиқарли конкурсларгача бўлган ўйин-кулгуларни танладилар.
-Pfvfvkku.jpg)
Бутун тадбир давомида диджей меҳмонларнинг кайфиятини яхши мусиқа билан қўллаб-қувватлаб, байрамнинг такрорланмас муҳитини яратди. Тадбир бошловчилари шунчали меҳмонларнинг вақтини чоғ қилибгина қолмай, балки ғолибларга Kia брендининг эсдалик совғаларини ҳам топширдилар.
-Fi_U92Gt.jpg)
Шунингдек тадбирда сервис хизмати ходимлари ҳам иштирок этиб, улар кун давомида автомобиллар соҳибларига маслаҳатлар ва Kia автомобиллари ҳақидаги турли саволларга жавоб бердилар.
Айни шу кунда вақт аста-секинлик билан ўтди, хотиралар эса абадий ёрқин ва унутилмас бўлиб муҳрланди. Саёҳат, Kia автомобиль брендининг Ўзбекистондаги расмий дистрибютори бўлган – ADM Global компаниялар гуруҳи ташаббуси билан ташкил этилган KiaGO лойиҳаси доирасида ташкил этилди. ADM Global ва Kia ўз мижозларини қўллаб-қувватлаш ва Kia автомобиллари соҳиблари ишончини мустаҳкамлаш мақсадида шундай тадбирлар учун сармоя киритиш фаолиятини давом эттирадилар.
Автомобиль соҳиблари тадбирда нафақат оилалари ва дўстлари билан вақтларини чоғ ўтказибгина қолмай, балки янги инсонлар билан танишиш, ўзларининг автомобилга эгалик тажрибаларини баҳам кўриш ва кўплаб қизиқарли воқеалар ва саргузаштлардан баҳраманд бўлиш имкониятига эга бўлдилар. Меҳмонлар ADM Global компанийлар гуруҳига шаҳар шовқинидан чалғишларига ёрдам берган пухта ўйланган ва ташкил этилган дастур учун ўз миннатдорчиликларини билдирдилар.
Ўзбекистондаги расмий дилердан харид қилинган барча Kia автомобиллари соҳиблари ушбу қизиқарли лойиҳанинг қисмидирлар.
Реклама ҳуқуқи асосида.
Изоҳ (0)