Аббосбек Файзуллаев РПЛда “Мавсум кашфиёти” соврини учун даъвогарлар рўйхатига киритилди

Россия Премьер Лигасининг “Мавсум кашфиёти” совринига номзодлар эълон қилинди.

Номзодлар орасида ҳозирда “ЦСКА” шарафини ҳимоя қилаётган Аббосбек Файзуллаев ҳам бор.

Аббосбекдан ташқари ушбу соврин учун Лукас Оласа, Витoр Тормена (иккаласи ҳам “Краснодар”), Бителло, Луис Чавес (иккаласи ҳам “Динамо”), Виктор Давила, Ҳелвен (иккаласи ҳам “ЦСКА”), Мирлинд Даку, Игор Вуячич, Угочукву Иву, Валентин Вада (барчаси “Рубин”), Тамерлан Мусаев (“Балтика”/“ЦСКА”), Страхиня Эракович (“Зенит”), Сржан Бабич, Тео Бонгонда (иккаласи ҳам “Спартак”), Илья Ваҳания, Муҳаммад Моҳеби (иккаласи ҳам “Ростов”), Никита Салтиков (“Крилья Советов”), Мартин Крамарич (“Сочи”) ҳамда Евгений Латишонок (“Балтика”) каби футболчиларнинг номзоди қўйилган. 

Журналист ва блогерлар ушбу рўйхатдан 5 нафар футболчини танлаб олади, шундан сўнг 2 май куни старт оладиган якуний овоз бериш жараёнида 3 нафар футболчи номзоди қолади. 

Аббосбек жорий мавсум “ЦСКА” сафида барча мусобақаларда 26 та ўйин ўтказиб, 4 та гол ва 11 та голли узатмага муаллифлик қилди.

Эслатиб ўтамиз, Файзуллаев 2023 йилнинг август ойида “Пахтакор” сафидан москваликлар таркибига бориб қўшилганди.