Нидерландия Гронинген газ конини бутунлай ёпишга қарор қилди ва мамлакат парламентининг юқори палатаси тегишли қонун лойиҳасини қабул қилди. Бу ҳақда Deutsche Welle хабар берди.
Аввалроқ мамлакат ҳукумати Гронинген провинциясида зилзила хавфи туфайли газ ишлаб чиқаришни тикламасликка ваъда берган эди.
Гронинген газ кони фаолияти 2023 йил октябрь ойида тўхтатилган, бироқ Россия—Украина уруши билан боғлиқ “қаттиқ қиш” ва “ноаниқ халқаро вазият туфайли” 11 та қудуқ очиқ қолган. Bloombergъга кўра, мазкур конда газ қазиб олишни тўхтатиш қарори Нидерландия жамиятида қизғин муҳокамаларга сабаб бўлган.
Конни ёпиш тўғрисидаги қарор минтақада мунтазам рўй бераётган зилзилалар туфайли қабул қилинган. Гронинген 2013 йилда тарихидаги энг кучли зилзиладан азият чекканига қарамай, ўша йили газ қазиб олиш ҳажми қарийб 54 миллиард куб метргача оширилган эди.
2018 йилдаги яна бир кучли зилзиладан сўнг ҳукумат барча ишлаб чиқаришни тўхтатишга қарор қилган. Гронингенда газ ишлаб чиқариш 1986 йилдан бери 1600 га яқин зилзилаларни келтириб чиқарган.
Ўн минглаб бинолар вайрон бўлган, юз мингга яқин одам жароҳатланган, — дейилади парламент ҳисоботида.
Бу даврда конда 2,3 миллиард куб метрга яқин газ қазиб олинган эди.
Изоҳ (0)