16 апрель куни Тошкент шаҳрида BYD ўзининг гибридкроссовери – BYD Song Pro DM-I ни тақдим этди. Дарё янги автомобилнинг медиа-тест-драйвида қатнашди ва унинг асосий техник хусусиятлари, афзалликлари ҳамда нархлари билан танишди.
Ўзбекистонда янги тақдим этилган BYD Song Pro модели учта турли комплектацияда тақдим этилди. Ушбу мақола автомобилнинг техник хусусиятлари ва унинг Ўзбекистон бозоридаги нархини ўрганади, шунингдек бу янги моделнинг ўз сегментидаги бошқа рақобатчилар билан солиштиришини тақдим этади.
Келинг, энди BYD Song Proнинг техник тавсифи ҳақида батафсил тўхталиб ўтамиз.
Техник хусусиятлари, афзалликлари
BYD Song Pro Ўзбекистондаги BYD моделлар қаторида тўртинчи бўлди. Компания вакилларининг сўзларига кўра, BYD Song Plus “укаси” – Song Proдан ташқари йил охиригача қатор яна бешта янги моделлар қўшилади. Умуман олганда, 2024 йилда ўзбекистонликлар тўққизта моделни танлаш имкониятига эга бўлишади.
Бугунги кунда гибрид автомобиль учта рангда мавжуд: кулранг, қора ва оқ. Яқин орада кўк, океан тусдаги ранги ҳам сотувга чиқарилади.
Кроссовер салони юқори сифатли материаллардан ишланган бўлиб, бошқарув панели ва ўриндиқ дизайни фойдаланувчига қулайлик яратишга қаратилган. Айниқса, бу моделнинг ички макони Song Plus моделига қараганда бир оз кичикроқ бўлса-да, ўхшаш даражада бетакрор дид билан жиҳозланган.
BYD Song Proнинг ўлчамлари 4738 мм узунлик, 1860 мм кенглик ва 1710 мм баландликда. Автомобиль гибрид тизимга эга: бензинли двигатель ҳажми 1,5 литр бўлиб, 110 о.к. қувват ва 135 Нм кучланиш моментини таъминлайди. Электр мотори эса 197 о.к. қувватга эга.
BYD Song Proнинг максимал юриш масофаси
- батареянинг сиғими ва турига боғлиқ бўлиб, бу кўрсаткич 51 км дан 110 км гача бўлиши мумкин.
- Юриш масофаси – 1090 км. 0 дан 100 км/соатгача тезланиш вақти 8,5 сония.
- Автомобиль 8,32 ёки 18,32 кВт/соат қувватга эга аккумуляторлар билан жиҳозланган.
Ички ва ташқи дизайн
Автомобилнинг олд томони dragon face, яъни аждарнинг юзига ўхшайди. Dragon дизайни, табиийки, фаралар билан уланган бўлиб, машина олд қисмини янада бақувват ва замонавий қилиб кўрсатади.
Юмшоқ материалдан тайёрлаб ўрнатилган ўриндиқлар бутун вужудингизни эркин ҳис қилишга имкон беради. Орқа ўриндиқнинг орқа бурчаги 98-118 даража оралиғида созланиши бош, елка ва белни тўлиқ тутиб туриш қулайлигини бахш этади ва беш юлдузли саёҳат завқини таъминлайди.
Машина 7 поғонали робот узатмалар қутиси билан жиҳозланган бўлиб, узатмаларни енгил ўзгартириш ва ёқилғи тежамкорлигини таъминлайди. BYD Song Pro интерери юқори сифатли материаллардан фойдаланган ҳолда ишлаб чиқарилган ва катта сенсорли экранга эга замонавий мултимедиа тизими, Apple CarPlay ва Android Аutо қўллаб-қувватлаши, шунингдек, навигация тизими билан жиҳозланган.
- Агар хоҳиш бўлса, интерфейс тилини ўзбек тилига ўзгартириш мумкин.
Бундан ташқари, ҳайдовчилар панорамали томни очиш ёки ҳатто кондиционерни ёқиш ва ўчириш каби овозли буйруқларни фаоллаштириши мумкин бўлади. Бироқ, бу хусусият фақат рус тилида мавжуд.
BYD Song Pro баъзи автомобиль функцияларини мобил илова орқали масофадан бошқариш имкониятини таклифқилади, шунингдек, турли хизматлар ва иловаларга кириш учун смартфонга уланиши мумкин.
BYD Rohat дилерлик маркази
BYD Rohat — Astana Motors тармоғининг ўнинчи дилерлик маркази сифатида 16 апрель куни меҳмонларни қабул қилди, иккита муҳим воқеа — янги дилерлик марказининг очилиши ва узоқ кутилган BYD Song Pro DM-I Champion гибрид кроссоверининг тақдимоти ушбу бренд ишқибозлари учун байрамга айланди.
Тақдимотда BYD Astana Motors бош директори Дилшод Умаров шундай нутқ сўзлади:
Ўзбекистонда ушбу бренд пайдо бўлганидан буён ўтган бир йил давомида биз катта муваффақиятларга эришганимизни фахр билан қайд этаман – биз 10 мингдан ортиқ автомобиль сотдик, республиканинг йирик шаҳарларида BYD вакилимиз ва бугун биз ўнинчи BYD Astana Motors дилерлик марказини очмоқдамиз. Аввало, брендни Ўзбекистонда брендф аолиятини юритувчилардан биринчи бўлиш шарафи ва ишончи, энг йириклардан бири бўлиш имконияти, бугун янги моделни тақдим этиш ҳуқуқи учун BYD компаниясига ўз миннатдорчилигимни билдирмоқчиман.
Нархи
Song Proнинг учта конфигурацияси мавжуд бўлиб, уларнинг нархи 321.8 миллион сўмдан бошланади.
1. BYD Song Pro Comfort (71 км) – 321.8 млн – $25,300
2. BYD Song Pro Flagship (71 км) – 334.4 млн – $26,300
3. BYD Song Pro Flagship (110 км) – 359.8 млн – $28,300
BYD Song Proнинг тақдим этилиши, маҳаллий автомобиль бозорида харидорлар учун янги альтернативаларни яратиш билан бирга, BYD маркасининг глобал даражадаги обрўсини оширишга хизмат қилади. Автомобилнинг асосий афзалликлари унинг иқтисодиётлилиги, юқори технологиялари ва батафсил ишлаб чиқилган дизайнидир.
Шарқ эстетикасидан илҳомланган, мовий тоғлар бағридаги хотиржамлик ва улуғворликни ўзида акс эттирган Song Pro йўлдаги манзара билан уйғунлашиш имконини тақдим этади.
BYD Song Pro Ўзбекистон автомобиль бозорида ўз ўрнини топиши кутилмоқда, чунки у замонавий технологиялар ва иқтисодий самарадорликни ўз ичига олган ҳолда, харидорларга турли хил танлов вариантларини таклиф этади.
Сайт: byd-astanamotors.uz
Instagram: byd.astanamotors.uz
Facebook: byd.astanamotors.uz
Call-центр: 1322
Реклама ҳуқуқи асосида.
Изоҳ (0)