Сурияда ИШИД жангарилари 20 нафар аскар ва ҳукуматга қарашли кучларни ўлдирди. Бу ҳақда Al Arabiya хабар берди.
Сурия Инсон ҳуқуқлари обсерваториясининг маълум қилишича, Ҳомс вилоятининг шарқий қишлоғида ҳарбий автобусга ҳужум уюштирилган. Жами 16 нафар режим кучлари ва ҳукумат тарафдорлари ҳалок бўлган. Улар орасида “Қудс” бригадасининг камида тўққиз нафар аъзоси бор.
Сурия шарқидаги Албукамал қишлоғидаги ҳарбий объектга уюштирилган яна бир ҳужумда тўрт нафар режим кучлари ҳалок бўлган. Ҳодисада жароҳатланган ҳарбийлар касалхонага ётқизилган.
ИШИД 2014 йилда Сурия ва Ироқнинг катта ҳудудларини эгаллаб, ўзининг “халифалигини” эълон қилди ва террор ҳужумларини бошлаб юборди.
Изоҳ (0)