Қулайлик мижоз учунми ёки ходим учун? InfinBANK янги офисида бу саволга жавоб берди

InfinBANK бугун, 18 апрели куни Тошкент марказида янги офисини очилишига ОАВ вакиллари, блогерлар ва кенг жамоатчиликни таклиф қилди.

Ҳам мижоз, ҳам ходим учун қулайликлар уйғунлиги

Барча меҳмонларни биринчи навбатда эътиборини тортган нарса шу бўлдики, янги InfinBANK офисида ҳам мижозларнинг барча эҳтиёжлари ва талабаларини ҳам ишчи ходимларнинг шарт-шароитлари инобатга олган ҳолда замонавий ҳамда функсионал марказ сифатида бунёд этилган.

Бориш осон, машинага ҳам жой бор

Олти қаватли янги офис биноси пойтахт марказида — Мустақиллик кўчаси, 17 “Б” уйда жойлашган бўлиб, катта йўл ёқасида ва метронинг ёнгинасида.

Ҳозирги вақтда фуқароларга хизмат кўрсатувчи офисларнинг ёнида автомашиналар учун жойлар сони камлиги ёки умуман йўқлиги мижозларга ноқулайлик туғдирмоқда. Янги InfinBANK офисининг ёнида каттагина автотураргоҳнинг борлиги нафақат хизмат кўрсатиш сифатига, балки мижозлар кайфиятига ҳам ижобий таъсир кўрсатади.

Давомий мулоқотлар

Бинонинг биринчи қаватида банкнинг операцион маркази жойлашган. Қават икки қисмга — юридик ва жисмоний шахсларга хизмат кўрсатиш бўлимларига ажратилган.

Ҳар бир қаватда музокаралар учун алоҳида хоналарга ажратилган. Бу билан банк ходимлари ва мижоз ўртасида ўзаро ҳамкорликни келишиб олиш учун жуда яхши муҳит яратилган.

Бешинчи қаватда барча зарур ашёлар билан жиҳозланган кенг мажлис заллари ҳам мавжуд бўлиб, у ерда катта конференциялар ва бошқа турли тадбирларни ўтказиш имконини беради.

Гўзал манзара ва ёқимли тамадди

Ишхонада ходимларнинг кайфияти яхши бўлиши, тайинки жамоанинг кучли бўлишига ва мижозларга хизмат кўрсатиш сифати ошишига хизмат қилади. Шу жиҳатларни ҳисобга олган InfinBANK жамоаси яги офиснинг шаҳарнинг гўзал манзараси кўриниб турадиган, катта ойналар билан ўралган шинам ошхона ва ходимлар танаффус пайтида дам олишлари мумкин бўлган кенг айвон ҳозирлаган.

Бундан ташқари, ҳар бир қаватда ичимликлар (чой, қаҳва ва ҳоказо) тайёрлаш мумкин бўлган бурчаклар мавжуд, бу дегани ходимлар ҳар сафар қаҳва ёки чой учун олтинчи қаватга чиқишлари шарт эмас.

Узоқ вақт бир жойда ўтириб ишловчиларда қон айланиш тизими билан боғлиқ касалликлар кўпроқ учрайди. Янги офисда ходимлар учун алоҳида, кенг ва ёруғ хонада энг сўнгги турдаги спорт анжомлар ўз ичига олган жисмоний машғулот хонаси ажратилгани янги офис лойиҳалаш ва қуришда майда деталларгача, хусусан, ходимларга саломатлигига ҳам эътибор қаратилганидан далолат бериб турибди.

Open Space хизмати

Илгари барча банк бўлимлари кабинетлар бўйича тақсимланган бўлиб, ҳар бир бўлимда қандайдир ёпиқлик муҳити бор эди. InfinBANK нинг янги биносини лойиҳалашда Open Space амалиётини қўллашга қарор қилинди. Бундай ёндашув ходимлар осонгина мулоқот қилишлари, бир-бирлари билан эркин боғлана олишлари ҳамда ғоя ва фикр алмашишлари мумкин бўлган муҳитни яратади. Бу ҳамкасблар ўртасида янада очиқ ва самарали мулоқотни рағбатлантиради, шунингдек, раҳбариятнинг ишчилардан хабардор бўлиб туриш имкониятларини оширади. Янги ўзгача муҳит, шунингдек, банк офислари учун айниқса муҳим бўлган иш жойларидан янада самарали фойдаланиш имконини беради.

Тўхтаб қолиш йўқ!

Меҳмонларга ҳамроҳлик қилган InfinBANK бошқаруви раиси Олга Нуманованинг алоҳида таъкидлашича, асосий вазифа мижозлар ва ходимларнинг қулайлиги ҳақида ғамхўрлик қилишга қаратилган.

“Айни дамда бизнинг янги офисимиз банк сектори учун қизиқарли ва янгича хизматлар — мижозлар учун кутиш жойлари, ходимлар учун Open Space тизимини тақдим этади”, — деди Олга Нуманова хоним.

Лойиҳалаш ва қурилишдан тортиб ходимларни кўчириш ва офис очилишигача бўлган бутун жараён InfinBANK нинг ишончли тарзда ривожланаётганидан далолат беради. Шуни таъкидлаш керакки, бино банк учун махсус қурилган бўлиб, лойиҳада энг аввало банкнинг барча мақсадлари ва хусусиятлари инобатга олинган.

InfinBANK жамоасининг яқин келажакдаги режалари ҳақида ҳам маълумот берилди. Айтилишича, банк юридик ва жисмоний шахслар учун ўз мобил иловаларида янги ўзгаришларни киритилмоқда. Шунингдек, мижозларга масофавий хизмат кўрсатиш максимал даражада қулай ва осон бўлиши, юридик шахслар учун янги хизматлар ишлаб чиқариш йўлга қўйилиши, аҳоли учун кредит ҳамда депозитлар бўйича янада қулай шартларни ишлаб чиқиш режалаштирилган.

Реклама ҳуқуқи асосида.