Қозоғистон президенти Қосим-Жўмарт Тўқаев қирғизистонлик ҳамкасби Садир Жапаровни 1-даражали “Дўстлик” ордени билан тақдирлади. Бу ҳақда Akorda матбуот хизмати хабар берди.
Тўқаев қирғизистонлик ҳамкасбининг икки томонлама муносабатларни ривожлантириш ва мустаҳкамлашга қўшган улкан ҳиссасини таъкидлади.
Қирғизистон — бизни чуқур тарихий илдизлар билан боғлайдиган қардош давлат. Қирғизистон — энг яқин ва ишончли стратегик ҳамкоримиз. Ўзаро манфаатли муносабатларимизни икки халқнинг қардошлик ришталари чамбарчас боғлаб туради. Мен сизнинг бу борадаги ролингизни қадрлайман, — деди Қосим-Жўмарт Тўқаев.
У Қозоғистон Қирғизистон билан стратегик шериклик ва иттифоқчилик муносабатларини кенгайтиришдан манфаатдор эканини таъкидлади.
Шубҳасиз, кўп томонлама алоқаларни мустаҳкамлашда сизнинг ҳиссангиз катта. Алоҳида ҳурмат ва самимий миннатдорлик белгиси сифатида сизни 1-даражали “Дўстлик” ордени билан тақдирлашга қарор қилдим. Ишончим комилки, ушбу мукофот икки томонлама муносабатларни фаоллаштиришга хизмат қилади. Қозоғистон ва Қирғизистон ўртасидаги дўстлик абадий бўлсин, — деди у.
Садир Жапаров қозоғистонлик ҳамкасбига миннатдорлик билдириб, икки давлатлар ўртасидаги алоқаларни ривожлантиришда барча саъй-ҳаракатларга тайёрлигини билдирди.
Изоҳ (0)