Футзал бўйича Осиё Кубогининг 2-туридан ўрин олган Ироқ ва Ўзбекистон жамоалари ўртасидаги учрашув 19 апрель санасида бўлиб ўтди.
Учрашувнинг 8-дақиқасида Акбар Усмонов ҳисобни очди. 17-дақиқада Машраб Одилов ҳисобни 0:2 га етказди. Учрашувнинг биринчи бўлими шу ҳисобда якунланди.
Ўзбекистон футзалчилари иккинчи бўлимда тўлиқ устунликка эга бўлди ва бу ҳисобда ҳам акс этди. 26-дақиқада Элбек Тўлқинов ҳисобни 0:3га етказди. Икки дақиқа ўтиб Суннатило Жўраев ҳисобни йирик кўринишга олиб келди. Учрашувдаги сўнгги голни ироқлик футболчи уриб, ҳисобни 1:4 кўринишига олиб келди.
Шундай қилиб Ўзбекистон футзал терма жамоаси муддатидан олдин кейинги босқич масаласини ҳал қилди.
Терма жамоа гуруҳдаги якуний ўйинни 21 апрель куни Саудия Арабистонига қарши ўтказади.
Изоҳ (0)