Ўзбекистонлик ҳакам футзал бўйича Осиё Кубогининг иккинчи тур учрашувига тайинланди

Ўзбекистонлик Никита Афиногенов Осиё Кубогининг 2-турига тайинлов олди.

Мусобақа 2-тури расмийлари эълон қилинди. Унга кўра, Никита Афиногенов А гуруҳидан ўрин олган Мьянма–Таиланд учрашувига тайинлов олган.

Эслатиб ўтамиз, ўзбекистонлик ҳакамлар Таиланд пойтахти Бангкок шаҳрида бўлиб ўтаётган футзал бўйича Осиё кубоги 1-туридан ўрин олган 2 учрашувни бошқарган эди.

• Никита Афиногенов D гуруҳидан ўрин олган Эрон–Афғонистон учрашувида ишлаган бўлса,
• Анатолий Рубаков Кувайт–Баҳрайн ўйинини бошқариб борди.

Ўзбекистон футзал терма жамоаси бугун, 19 апрель санасида Ироқга қарши майдонга тушади.