БМТ Эрон ва Исроил ўртасидаги зиддиятнинг чалғитувчи таъсирига қарамай, Ғазодаги оғир гуманитар вазиятга жиддий эътибор қаратилаётганини айтди, дея Anadolu хабар берди.
БМТ вакили Стефан Дюжаррик, Исроил ва Эрон ўртасидаги келишмовчилик эътиборни Ғазо секторидаги инқироздан чалғитдими ёки йўқми деган саволга, бундай тенденцияни хабарлар орқали кўриш мумкинлигини айтган.
Биз бир вақтнинг ўзида бир нечта инқирозларга эътибор қаратишимиз керак, — дейди вакил.
БМТ бош котиби Антонио Гутерришнинг Эрон ва Исроил ўртасидаги таранглик ҳақидаги фикрларига тўхталиб ўтган Дюжаррик, Ғазодаги ҳалокатли гуманитар вазиятга ҳам эътибор қаратилаётганини таъкидлаган.
Уруш бошлангандан бери Ғазода 34 000 га яқин фаластинлик, асосан, аёллар ва болалар ҳалок бўлган, 76 800 дан ортиқ киши яраланган.
Халқаро судда Исроил геноцидда айбланмоқда. Январь ойида қабул қилинган муваққат фармон Тель-Авивга геноцид ҳаракатларини тўхтатиш ва Ғазодаги тинч аҳолига гуманитар ёрдам етказилишини кафолатлаш чораларини кўришни буюрган эди.
Изоҳ (0)