2022 йилда Ўзбекистон маркетинг уюшмаси иккита касб байрамини белгилаш тўғрисидаги ташаббусни илгари сурди: маркетологлар куни ва реклама ходимлари куни.
Муҳокама ва очиқ овоз бериш якунларига кўра қуйидаги саналар танлаб олинди.
25 август — Реклама ходимлари куни. 1996 йил 25 августда Ўзбекистон Мустақиллигининг 5 йиллиги шарафига давлатимиз кўчаларида илк ижтимоий реклама миллий сюжетлари жойлаштирилганди.
19 апрель – Маркетологлар куни. 2016 йил 19 апрелда Тошкентда илк ADWEEK маркетинг ва реклама ҳафталиги ўтказилганди.
Маълумки, мамлакатимизда иқтисодиётга инвестицияларни жалб қилиш, юқори самарали бизнес-лойиҳаларни яратиш, янги иш ўринларини ташкил қилиш, истеъмол маданиятини юксалтириш, кучли брендларни яратиш, бозорда маҳсулотлар ва хизматлар сонини ошириш, улар сифатини яхшилаш мазуси доимо долзарб бўлиб келган, лекин буларнинг барини ривожлантирадиган ва бу масалаларни ҳал қилиш ва такомиллаштириш усиз битмайдиган илм ҳақида кўп ҳам сўзланмайди. Бу – маркетинг.
Мустақилликка эришилгандан буён мамлакатимиз қатъий равишда ривожланишнинг бозор иқтисодиёти йўлини танлади ва шундан буён барча тадбиркорлар ва инвесторлар, яхши интеллектуал кучлар бу жараённинг катта амалга оширувчилари бўлдилар. Иқтисодий муваффақиятга эришган мамлакатлар мисолида кўрамизки, улар истисносиз ҳар бир бизнес учун маркетингнинг, шунингдек оддий истеъмолчилар маркетинг асосларини билишларининг (зотан у орқали муайян лойиҳа муваффақиятининг асослари ортиқча шубҳа-гумонларсиз тушунарли бўлади) муҳимлиги ва зарурийлигини илгари суради.
Маркетолог – ҳар қандай маҳсулотни яратиш, такомиллаштириш ва бу маҳсулотга бозорда талабни кучайтиришдаги биринчи ёрдамчидир.
Бугунги кунда муваффақиятли бизнес ва талабгир маҳсулот – бу, аввало, замонавий маркетинг ютуқларини чуқур билиш ва ундан фойдаланишдир. Шуни англаган ҳолда, Ўзбекистон маркетинг уюшмаси 2016 йилдан бошлаб ўз олдига барча миқёсдаги бизнес, давлат органлари ва оддий истеъмолчилар эътиборини маркетингга максимал жалб этиш вазифасини қўйди.
Ўзбекистон маркетинг ҳамжамиятининг фаол иш юритиши тарихини 2016 йил 19 апрель – Биринчи ADWEEK маркетинг ва реклама ҳафталиги очилишидан бошлаш мумкин. 8 йил давомида уюшма консалтинг ва тадқиқотчилик маҳсулотларини қўллаб-қувватлашнинг, бозордаги барча маанфаатдор томонлар эътиборини жалб этувчи кенг кўламли форумлар ва танловларнинг доимий ривожланиб борувчи тизимини ярата олди.
Уюшма давлат органлари, аввало Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси, кўплаб ўқув муассасалари, маркетинг соҳасидаги услубиётчилик флагмани – Тошкент давлат иқтисодиёт университети билан фаол ҳамкорлик қилади.
Бугунги кунда уюшма мамлакатдаги 180 дан зиёд фаол компанияларни бирлаштиради. Эътирофга сазовор 200 дан зиёд бизнес-етакчилар маркетинг ҳамжамиятининг етакчи экспертлари саналадилар.
Уюшма томонидан мамлакат етакчи брендларининг ҳар йилги рейтинги, 21 та фаолият йўналиши бўйича етакчи маркетинг агентликларининг реестри юритилади.
Ҳар йили Марказий Осиёдаги йирик қуйидаги форумлар ўтказилади: маркетологлар учун Tashkent Digital Marketing Forum, яхши блогерлар учун Influencer Awards, реклама ходимлари учун ТАF! Тошкент реклама фестивали, муваффақиятли брендлар учун Йил бренди мукофоти, сотувчилар учун Makon Business Forum Сотувчилар даври. Маркетологлар ҳамжамияти учун долзарб бўлган турли мавзуларда мунтазам равишда Маркетинг клуби йиғилиши ўтказилади.
Давлатнинг очиқ ва бозор иқтисодиётини ривожлантиришга қаратилган стратегияси туфайли, уюшма мавжуд лойиҳаларни ривожлантирмоқда ҳамда мамлакат тадбиркорлари ва истеъмолчилари ўртасида маркетингнинг талабгирлигини янада ошириш учун янги имкониятларни изламоқда ва фурсатдан фойдаланиб, барча маркетологларни касбий байрамлари билан табриклайди!
Реклама ҳуқуқи асосида.
Изоҳ (0)