Эрон Ислом инқилоби қўриқчилари корпуси Исроил раҳбариятига мурожаат юбориб, ядровий иншоотларга ҳужум қилиш ҳақида огоҳлантирди. Бу ҳақда Al Jazeera нашри хабар берди.
Манбада айтилишича, корпус раҳбарияти, агар Исроил Эрон ичкарисидаги объектларга ҳужум уюштирса ва ядро иншоотлари атрофида ракета учирса, бунга жавобан Исроил ҳудудидаги ядровий объектларни бомбардимон қилишини маълум қилган. Ислом инқилоби корпуси бригада генерали Аҳмад Ҳагталаб Теҳрон қўлида Исроил ядровий иншоотлари ҳақидаги маълумотлар борлигини даъво қилган.
“Сионистик душманнинг ядровий иншоотлари аниқланди. Барча нишонлар ҳақидаги керакли маълумотлар бизнинг қўлимизда”, — деган Эрон Ислом инқилоби қўриқчилари корпуси вакили.
Корпус вакили 2022 йил март ойида Исроил томонидан Эрон ядровий иншоотларига қилинган ҳужум масаласини тилга олган. У, шунингдек, Теҳронга ядровий бомба қўлга киритишдан тийилиш сиёсатини қайта кўриб чиқишни таклиф қилган. Мамлакат ҳаво кучлари потенциал янги ҳужум уюштиришга тайёр эканлигини маълум қилган.
“Бизнинг бармоқларимиз потенциал ҳужумга жавобан белгиланган нишонларни йўқ қилиш учун қудратли ракеталарни ишга туширишга тайёр”, — дейилган хабарда.
Изоҳ (0)