Бектемир Мелиқўзиев 21 апрелда франциялик боксчига қарши рингга кўтарилади

Профессионал боксчи Бектемир Мелиқўзиев (13-1, 10КО) Ўзбекистон вақти билан 21 апрель тонгида ўзининг 15-жангини ўтказади.

Иккинчи ўрта вазн тоифасида WBA Inter-Continental камари соҳиби бўлган Бектемир ўша куни франциялик Пьер Юбер Дибомбега (22-0-1, 12КО) қарши рингга кўтарилади. Бўлажак жангда Мелиқўзиев ўзига тегишли камарни ҳимоя қилади.

Нью-Йоркда бўлиб ўтадиган катта бокс оқшомининг асосий жанги биринчи ярим ўрта вазн тоифаси чемпионлиги учун Девин Ҳейни ҳамда Райан Гарсия ўртасида кечади. 

Маълумот учун, Бектемир шу кунгача профессионал боксда 14 та жанг ўтказиб, уларнинг 13 тасида ғалаба қозонган. Мелиқўзиев ҳисобида битта мағлубият бор.

Унинг рақиби Юбер эса 23 та жанг ўтказиб, уларнинг 22 тасида ғалабага эришган. Дибомбе ҳам Бектемир Мелиқўзиев сингари бир маротаба мағлуб бўлган.