Аргентина НАТОнинг глобал ҳамкори бўлиш ниятида, бунинг учун мамлакат тегишли сўров юборди. Бу ҳақда Аргентина мудофаа вазири Луис Петри Х ижтимоий тармоғидаги саҳифасида маълум қилган.
Петрининг аниқлик киритишича, у Шимолий Атлантика альянси бош котиби ўринбосари билан учрашиб, унга ташкилотнинг глобал ҳамкори бўлиш ҳақидаги илтимосни ўз ичига олган мактубни берган.
Вазирнинг қўшимча қилишича, Аргентина мамлакат қуролли кучларини альянс стандартларига мослаштирадиган ва модернизация қиладиган алоқаларни тиклаш бўйича ишларни давом эттирмоқда.
Аввалроқ Еврокомиссия раҳбари Урсула фон дер Ляен 2022 йилда Россиянинг Украинадаги ҳарбий амалиётлари бошланганидан кейин Европа Иттифоқи давлатларининг мудофаа бюджети 20 фоизга ошгани ҳақида хабар қилганди.
Изоҳ (0)