Ар-Риёдда навбатдаги бокс оқшоми: Бетербиев Биволга қарши, Дюбуа Ҳрговичга қарши рингга кўтарилади

Саудия Арабистонининг Ар-Риёд шаҳрида бўлиб ўтадиган бокс оқшомининг асосий карди эълон қилинди.

1 июнь куни бўлиб ўтадиган бокс кечасининг асосий жанги ярим оғир вазн тоифасида мутлақ жаҳон чемпионлиги учун Артур Бетербиев ҳамда Дмитрий Бивол ўртасида бўлиб ўтади.

Шунингдек, карддан қуйидаги жанглар ўрин олди:

• Даниэль Дюбуа – Филип Ҳргович;
• Ник Болл – Рей Форд;
• Ҳамза Шираз – Остин Вильямс;
• Вилли Хатчинсон – Крейг Ричардс;
• Чжан Чжилей – Деонтей Уайлдер.

Эслатиб ўтамиз, Бивол 2023 йилнинг декабрь ойида Линдон Артурга қарши жанг қилиб, WBA Супер камарини ҳимоя қилганди. 

Бетербиев эса январда Каллум Смит устидан ғалаба қозонган эди. Артур WBC, WBO ва IBF камарлари соҳиби ҳисобланади.