ЛУКОИЛ компанияси ўзининг “Яшил Олам” эко-лойиҳаси доирасида ҳудудни кўкаламзорлаштириш бўйича навбатдаги экологик фестивални ўтказди. Экологик тадбир Тошкент шаҳрида, Қашқадарё вилоятининг Деҳқонобод ва Бухоро вилоятининг Олот туманларида ўтказилди.
Баҳор фасли Ўзбекистонда Наврўз байрамига бағишланган анъанавий байрам тадбирлари, умумхалқ ҳашарлари, ҳудудни ободонлаштириш ва кўкаламзорлаштириш ишлари ва хайрия ташаббусларидан иборат бўлган фаол ва жўшқин давридир.
Ўзбекистонда газ қазиб олиш ва газни қайтадан ишлаш йирик лойиҳаларнинг Оператори бўлган “ЛУКОИЛ Uzbekistan Оператинг Company” компанияси ҳам ободонлаштириш ва кўкаламзорлаштириш лойиҳаларидан четда қолмайди. 2015 йилдан бери ЛУКОИЛ компанияси ҳар йили компания ходимлари ва уларнинг оила аъзолари иштирокида “Сайёрамизга дарахт ҳадя этинг” шиори остида дарахт кўчатлари экиш бўйича “Яшил Олам” экологик акциясини ўтказиб келмоқда. Ўтган йиллар давомида Тошкент, Бухоро ва Қаршидаги минглаб дарахтлар аллақачоноқ жазирама иссиқда роҳатбахш сояга ва шаҳарликларнинг севимли дам олиш масканларининг яшил безакига айланиб улгурди. Компания кўмагида Ботаника боғидаги ҳудудлар, шаҳар боғ ва паркларидаги хиёбонлар кўкаламзорлаштирилди.
Баҳорнинг серқуёш кунларидан бирида ЛУКОИЛ компанияси ходимлари Тошкент шаҳри аҳолиси ва меҳмонларининг севимли дам олиш масканларидан бири бўлган машҳур Анҳор-Локомотив боғи таркибига кирувчи Наврўз боғига йиғилишди. Экоакция анъанавий тарзда ЛУКОИЛ ходимлари ва уларнинг оила аъзолари иштирокида байрамона тарзда жамоа кўринишида ўтказилади. Боғда сайр қилиб юрган шаҳарликлар ҳам ЛУКОИЛ ходимларининг ишига завқ-шавқ билан қўшилишди. Айниқса, кичик ёшдан табиатга меҳр ва ғамхўрлик билан муносабатда бўлиш туйғулари сингдирилган болаларнинг фаол иштироки қувонарли ҳолдир. Бутун кун давомида ЛУКОИЛ компанияси ишчи-ходимлари боғ ҳудудида ажойиб ландшафтли дизайнига эга бутун бир боғни барпо этдилар, кўзни қамаштирувчи турли хил ранглардан иборат манзарали ўсимликлардан гулзорлар яратдилар,ўриндиқлар ва ахлат қутилари ўрнатдилар.
Экофестивал қувноқ миллий куй-қўшиқларга уланиб кетди, барча иштирокчиларга ва парк меҳмонларига анъанавий палов ва сумалак тортилди.
Шу билан бирга, ЛУКОИЛ компанияси саноат объектларининг ходимлари ва уларнинг оила аъзолари Қашқадарё вилоятининг Деҳқонобод ва Бухоро вилоятининг Олот туманидаги истироҳат боғларида ҳам кўчат ўтқазиш ва яшил ҳудудларни ободонлаштириш мақсадида йиғилдилар.Ҳар иккала истироҳат боғига ҳам маҳаллий иқлим шароитига мос дарахт ва буталар экилди.
ЛУКОИЛ компаниясининг “Яшил Олам” эко-тадбиридоирасида шу куни юзлаб кўчатлар экилди, улар тез орада шаҳарларнинг яшил либосига айланади. Дарахт кўчатларини экиш тадбирлари вилоят марказлари фаоллари, атроф-муҳитни муҳофаза қилиш тузилмалари ва шаҳар ободонлаштириш хизмати ходимлари, экология фаоллари, кўмагида амалга оширилди, улар келгусида кўчатларни суғориш ва парваришлаш ишлари билан шуғулланадилар.
ЛУКОИЛ компанияси ўз фаолиятида энг юқори экологик стандартларга амал қилади. Ўзбекистонда лойиҳаларни амалга оширишда табиий ресурслардан оқилона фойдаланиш ва қулай экологик вазиятни сақлаб қолиш учун жамият олдидаги масъулиятни онгли равишда қабул қилиш компаниянинг асосий устувор йўналишларидан бири ҳисобланади.
Реклама ҳуқуқи асосида.
Изоҳ (0)